Over 5.000 flyplasstilsette er permitterte eller oppsagte på Oslo lufthamn

Nesten 2.000 tilsette ved Oslo lufthamn er sagt opp og over 3.500 er permitterte på grunn av nedgangen i flytrafikken under koronapandemien.

innenriks

Publisert: 27 november 2020 08:56 Sist oppdatert: 27 november 2020 08:59

Det viser tal NRK har henta inn frå dei største selskapa ved Oslo lufthamn. Dei mange hotella rundt flyplassen er ikkje rekna med.

Passasjertalet har i det siste lege på rundt 15 prosent av kva det var før koronapandemien braut ut, og nyleg vedtok Avinor at delar av flyplassen skal stengjast ned.

Leiar for Nav i Ullensaker Gry Hosøy er bekymra for at vi berre har sett byrjinga på oppseiingane.