Smittetala held seg låge i Trondheim – seks nye smitta

Seks personar i Trondheim fekk påvist covid-19 torsdag. Det er éin mindre enn snittet den siste veka.
innenriks

Fire har kjende nærkontaktar, éin er smitta i utlandet og éin har førebels ukjend smittekjelde, opplyser Trondheim kommune i ei pressemelding fredag.

Av dei smitta er eit barn under ti år, og tre personar er i 20-åra. I tillegg er éin person i 40-åra og éin person i 50-åra. Alle har milde symptom.

I alt vart 698 personar testa torsdag.

Seks nye smitta er éin under snittet den siste veka og åtte færre enn snittet dei siste fjorten dagane.

(©NPK)