Kerry beklagar tapte år under Trump

Den nye klimautsendinga i USA, John Kerry, meiner verdifull tid i klimakampen gjekk tapt under president Donald Trump.
utenriks

Den nye presidenten i USA, Joe Biden, har no byrja å snu skuta, ifølgje Kerry, som deltok på videolink under ein italiensk næringslivskonferanse torsdag.

– Vi veit at dei føderale styresmaktene i USA fram til i går forlét bordet i fire bortkasta år då vi kunne ha bidrege til å møte utfordringa, sa Kerry.

– Med nokre få pennestrøk har Biden byrja å rette opp igjen miljøleiarskapen, sa han.

Biden har allereie erklært at USA skal bli med i Parisavtalen igjen, den globale klimaavtalen frå 2015 som Trump trekte USA ut av.

Kerrys rolle blir å vere spesialrådgivar for Biden i saker som gjeld klima og nasjonal tryggleik.

(©NPK)