Sentrumsskulen i Sykkylven:

No er det sett dato for første spadetak

I dag har Sykkylven kommune og entreprenøren Åsen og Øvrelid signert kontrakt for arbeidet med den nye sentrumsskulen som skal byggast i Sykkylven. Datoen for oppstart er klar.

Signerte: Dagleg leiar i Åsen & Øvrelid A/S Finn Ove Øen (f.v.), kommunen sin prosjektleiar Ola Halkjelsvik, leiar for bygg og eigedom Oddmund Grebstad og ordførar Odd Jostein Drotninghaug.   Foto: Monica Aure Fallingen

Nyhende

Dei tre barneskulane Aure, Vik og Ullavik, som alle ligg i Sykkylven sentrum, skal bli til ein. Skulen vil vere dimensjonert for 500 elevar. Sist veke vedtok kommunestyret å auke kostnadsramma på prosjektet til 292 millionar kroner og at hovudentreprenør vert Åsen & Øvrelid A/S. Selskapet har hatt fleire store skuleprosjekt den siste tida, mellom anna Kolvikbakken ungdomsskole i Ålesund og Volda ungdomsskule. Åsen & Øvrelid A/S er blant dei største entreprenørverksemdene i gamle Sogn og Fjordane fylke, og har hovudkontor i Førde og dotterselskap i Ålesund.