Knut Marius Djupvik i Sykkylven Kulturhus:

– Noko av det argaste som har vore arrangert i Sykkylven

Dei frammøtte fekk valuta for pengane då Stjernekamp-vinnar Knut Marius Djupvik med band hadde konsert i Sykkylven Kulturhus.

Energi: Det var ikkje noko å seie på energien under konserten med Knut Marius Djupvik på Sykkylven Kulturhus. Her saman med Jonny Sjo på bass og Tommy Kristiansen på gitar.  Foto: Even Ørjasæter

Kultur

Er det noko ein har vore sultefôra på under koronapandemien, så er det konsertar og andre kulturhendingar. Sidan viruset kom til landet, har det knappast vore høve til å arrangere noko som helst. Fredag, på eittårsdagen for at Norge stengde ned, kunne derimot Sykkylven Kulturhus igjen ønske velkomne til konsert, då Stjernekamp-vinnar Knut Marius Djupvik frå Tomrefjord, med band, tok scena. Her fekk dei hundre frammøtte, fullt hus i høve smittevernreglane, servert musikk frå ein særs variert meny, frå heile Knut Marius si karriere.