Dei politiske partia og deira listekandidatar har i tur og orden fremja sine synspunkt i Nyss og elles på andre sosiale plattformer som Facebook. Etter mitt syn har det så langt vore ein god tone i ordskiftet, noko som tyder på at dei fleste har respekt for kvarandre. Det å skilje sak og person, er ein god eigenskap, som det er viktig å ta med seg vidare etter valet på måndag.
Vi som har engasjert oss i valkampen er opptekne av å få veljarane sin gunst. Og når sant skal seiast, så er eit kommuneval for mange også eit val av personar, og ikkje berre parti, noko ein kan markere ved å påføre såkalla slengjarar på vallistene.
No ser eg fram til valvaken på Promenaden Mat & Vinhus der valkampen vil bli avslutta saman med andre politiske parti, og er elles ope for alle politisk interesserte.
Godt val!