«Det må bli en enklere og mer helhetlig forvaltning, også på lokalt nivå. Ellers flytter vi til Japan, der produserer vi laks ved Mount Fuji.»
Sitatet er ikkje frå Roger Hofseth, men styreleiar og hovedeigar i Grieg Seafood, Per Grieg jr. Han sa dette i ein paneldebatt under Aqua Nor-messa i Trondheim nyleg. I Dagens Næringsliv 02.09 forklarte han korleis «bokstavtro og virkelegheitsfjern» forvaltning skaper store problem for oppdrettarane.
For veljarane kan det somme tider vere vanskeleg å sjå kva som skil partia frå kvarandre i praktisk politikk. Men for dei som har fulgt debatten eg har hatt i Nyss med Tor Waaler i Stranda Ap, har det kome fram at dei meiner styresmaktene er for «veike», og argumenterar for enda meir styring og kontroll.
I Høgre meiner vi det motsette. Norge er verdas desidert største produsent av oppdrettslaks, og havbruk er vår nest største eksportnæring. Med enklare og meir føreseielege rammevilkår, kan næringa auke produksjonen, skape fleire arbeidsplassar, og bidra meir til finansiering av offentleg velferd – også i Stranda. Godt val!
