Sandefjord-sikta varetektsfengsla i fire veker

26-åringen og 18-åringen som er sikta for drap eller medverknad til drap på ein 19-åring i Sandefjord, er varetektsfengsla i fire veker.
innenriks

Det stadfestar forsvararane for dei to sikta overfor NTB.

– Han vart fengsla i fire veker med brev- og besøksforbod og isolasjon og medieforbod dei første 14 dagane, seier forsvararen til 26-åringen Jon Anders Hasle.

Han seier det ikkje er teke stilling til eventuell anke.

– Det må drøftast med han, og vi må gjennomgå rettsavgjerda og ha ein ordentleg samtale med han først, seier advokaten.

Han seier klienten hans nektar straffskuld, og at det er planlagt nye avhøyr tysdag.

– Klienten min vart fengsla i fire veker, med brev- og besøksforbod i alle fire og dessutan isolasjon og medieforbod dei første 14 dagane, seier forsvararen til 18-åringen Søren Hellenes til NTB.

Det er òg planlagt avhøyr av 18-åringen i morgon. Dei har ikkje teke stilling til eventuell anke av fengslinga.

– Klienten min erkjende ikkje straffskuld etter siktinga, utover det har vi ingen vidare kommentar, seier Hellenes.

(©NPK)